பெரியார் பல்கலையில் ஐ.ஏ.எஸ்., தேர்வு பயிற்சி

பெரியார் பல்கலையில் ஐ.ஏ.எஸ்., தேர்வு பயிற்சி - 04-06-2010

சேலம் பெரியார் பல்கலையில், ஐ.ஏ.எஸ்., ஐ.பி.எஸ்., மற்றும் நேர்முகத்தேர்வுகளுக்கான பயிற்சி வகுப்புகள் நடத்தப்படுகிறது. அதற்கான விண்ணப்பங்கள் வரவேற்கப்படுகின்றன.

சேலம் பெரியார் பல்கலையில் உயர் பதவிகளுக்கான தேர்வில் பங்கேற்பது குறித்த பயிற்சி வகுப்புகள் நடத்தப்பட்டு வருகின்றன. அதன்படி, ஐ.ஏ.எஸ்., ஐ.பி.எஸ்., மற்றும் நேர்முகத்தேர்வுக்கான பயிற்சி வகுப்புகள் நடத்தப்பட உள்ளன. அதற்கான விண்ணப்பங்கள் வரவேற்கப்படுகின்றன. சேலம் பெரியார் பல்கலை பதிவாளர் அலுவலகத்தில் விண்ணப்ப படிவம் மற்றும் விளக்க உரையை 100 ரூபாய் வங்கி டி.டி. வழங்கி நேரடியாகவோ அல்லது தபால் மூலமாகவோ பெற்றுக் கொள்ளலாம். பல்கலை இணையதளத்தில் இருந்தும் பெற்றுக் கொள்ள முடியும். சனி மற்றும் ஞாயிற்றுக்கிழமைகளில் ஒரு பிரிவாகவும், திங்கள் முதல் வெள்ளி வரை ஒரு பிரிவாகவும் நடக்க உள்ளன. விண்ணப்பங்கள் ஜூன் 4ம் தேதி முதல் வழங்கப்படுகிறது. ஜூன் 30ம் தேதி விண்ணப்பிக்க கடைசி நாள். ஜூலை 10ம் தேதி எழுத்து மற்றும் நேர்முகத்தேர்வு நடக்கிறது. மேலும் விபரங்களுக்கு, பெரியார் பல்கலை சமூகவியல் துறை பேராசிரியர் வெங்கடாசலத்தை நேரிலோ, தொலைபேசி எண்: 0427 - 2346265, மொபைல் 94423 - 60574 எண்ணிலோ தொடர்பு கொள்ளலாம்.